ቀን 24/6/2015
ዓ.ም
የአዲስ አበባ ከተማ አስተዳደር ትምህርት ቢሮ የስርዓተ ጾታ ማስረጽና ማካተት ዳይሬክቶሬት በተሻሻለው የስርዓተ ጾታ መመሪያ እና ተዛማጅ ጉዳዮች ዙሪያ የአሰልጣኞች ስልጠና በመስጠት ላይ መሆኑን አሳወቀ።
በስልጠናው የክፍለ ከተማ የዘርፈ ብዙ ባለሙያዎችና ሱፐርቫይዘሮችን ጨምሮ ከተመረጡ ትምህርት ቤቶች የተውጣጡ የስነ ዜጋና ስነምግባር መምህራን እና የጋይዳንስና ካውንስሊንግ ባለሙያዎች ተሳታፊ ሆነዋል።
በስልጠናው መክፈቻ የአዲስ አበባ ከተማ አስተዳደር ትምህርት ቢሮ የስርአተ ጾታ ማስረጽና ማካተት ዳይሬክቶሬት ዳይሬክተር ወይዘሮ አበባ ዘውዴ እንዳስታወቁት የስርዓተ ጾታ መመሪያው በ2007 ዓ.ም በኢፌድሪ ትምህርት ሚኒስተር ተዘጋጅቶ በየትምህርት ተቋማቱ ተግባራዊ ሲደረግ መቆየቱን ጠቁመው መመሪያው ዳግም በአዲስ መልክ ወቅታዊ ሁኔታዎችን ታሳቢ አድርጎ በመዘጋጀቱ በዚህ የአሰልጣ ኞች ስልጠና ተሳታፊ የሆኑ መምህራንም ሆኑ የትምህርት ባለሙያዎች በየትምህርት ቤቶቻቸው መመሪያውን መሰረት በማድረግ ለትምህርት ማህበረሰቡ ተገቢውን ግንዛቤ መፍጠር እንደሚጠበቅባቸው አስገንዝበዋል።
በአዲስ አበባ ከተማ አስተዳደር ትምህርት ቢሮ የስርአተ ጾታ ማስረጽና ማካተት ባለሙያ አቶ ደረጀ ደምሴ በመርሀ ግብሩ ጾታዊ ጥቃትንም ሆነ በህጻናት ላይ የሚደርሱ የሰብአዊ መብት ጥሰቶችን ለመከላከል የወጡ አለም አቀፍ እና ሀገር አቀፍ የህግ ማእቀፎችን መሰረት በማድረግ የግንዛቤ ማስጨበጫ ስልጠና የሰጡ ሲሆን ሰልጣኞቹም በቀረቡ የመወያያ ሀሳቦች ዙሪያ በቡድንና በጋራ ውይይት አድርገዋል።
መረጃዎችን በፍጥነት ለማግኘት ማሰፈንጠሪያዎቹን ይጫኑ!
Blog: - https://aacaebc.blogspot.com
You
Tube: https://www.youtube.com/watch?v=TWkBGoeYCNQ...
TikTok፡- tiktok.com/@aaeducationbureau
Telegram ፡ https://t.me/wwwAddisAbabaeducationbureau
Twitter ፡ https://twitter.com/aacaebc
Face book: https://www.facebook.com/aacityeducationcommunication
Instagram: - https://www.instagram.com/aacaeb/
No comments:
Post a Comment